A aventura da delincuente viguesa La Maradona chega á pantalla con Nuria Vil
A presentación da peza audiovisual será o vindeiro luns no Teatro Principal de Pontevedra
![Nuria Vil, dentro do vitrasa El Cometa, dos anos 70-80.](https://estaticos-cdn.prensaiberica.es/clip/250c20db-648b-4665-804f-77fe44a09e00_16-9-discover-aspect-ratio_default_0.jpg)
Nuria Vil, dentro do vitrasa El Cometa, dos anos 70-80. / Xiana Quintas
No Casco Vello Alto de Vigo, na zona da Ferrería, entre finais dos anos 70 e principios dos 80, un nome feminino facía tremer de medo: La Maradona. Era a líder dunha banda de delincuentes xuveniles. A poeta Nuria Vil rescatou a figura para un poema e tamén para unha peza audiovisual que presentará o vindeiro luns no Teatro Principal de Pontevedra e que espera presentar pronto na cidade olívica.
A produción audiovisual, que leva o título “Delincuente”, encádrase na Mostra Internacional de Cinema LGBTIAQ+ e foi dirixida por Alba Domínguez.
![Unha das imaxes do vídeo "Delincuente" de Nuria Vil.](https://estaticos-cdn.prensaiberica.es/clip/1d4c5789-fe84-48ee-851a-545be5dacc37_alta-libre-aspect-ratio_default_0.jpg)
Unha das imaxes do vídeo "Delincuente" de Nuria Vil. / Xiana Quintas
Cinema analóxico e un vitrasa antigo
Contén imaxes en Super 8 pertencentes ao arquivo de Manoel da Costa así como outras tomadas o pasado ano nas instalacións de Vitrasa en Camposancos. En concreto, os espectadores poderán ver El Cometa, un autobús da empresa pública de transportes vigueses.
Case todo o equipo participante no traballo está formado por mulleres. Nuria Vil encargouse da produción executiva e compartiu tarefas de guion con Alba Domínguez. Tamén atopamos nos títulos de crédito a Lúa Mosquetera nos bordados.
![Nuria Vil é guionista e produtora da peza "Delincuente" sobre La Maradona de Vigo.](https://estaticos-cdn.prensaiberica.es/clip/ea21230c-fe5a-405a-af14-4b91a76a5c27_alta-libre-aspect-ratio_default_0.jpg)
Nuria Vil é guionista e produtora da peza "Delincuente" sobre La Maradona de Vigo. / Xiana Quintas
O apoio de máis de 100 mecenas
Ademais, Lucía Aldao e María Lado –que participarán na presentación da peza o luns– tamén aparecen como figurantes. Estarán acompañadas por Angelly Ferreiro que abrirá un coloquio coa xente participante para ofrecer un enfoque “pedagóxico antirracista e decolonial” sobre as construcións sociais nas nosas vidas.
A peza foi realizada tras gañar Nuria Vil a Bolsa Ensaia 2022 e recibir apoio nunha cmapaña de mecenazgo en Verkami na que participou máis dun cento de persoas.
Acto aberto a quen queira ir
Antes da súa realización, Vil –que publicou con Chan da Pólvora o poemario “Simún”– sinalara a FARO que procuraba refacer o imaxinario de La Maradona lonxe do marco masculino hexemónico de xeito que o cinema quinqui tamén teña pegada feminina e de persoas diversas.
O acto de presentación está aberto á cidadanía ata encher a sala.
- Jorge Rey desmiente las predicciones oficiales y anuncia el tiempo que hará en julio: 'Fuertes y torrenciales
- La Policía Nacional pone en guardia a la población española: máximo cuidado con este número de teléfono
- Mensaje urgente de la Policía Nacional por lo que está pasando con las persianas en los pisos vacíos
- Un pasajero gallego, entre los heridos por turbulencias en un vuelo Madrid-Montevideo: 'Caímos 8 segundos en picado
- Ya es oficial: los trabajadores que ganen menos de 1.350 euros podrán cobrar el paro y su sueldo al mismo tiempo
- Carlos Sobera, sorprendido tras conocer el trabajo de una soltera de 'First dates': "Espero no verte más
- Adiós a la prohibición de llevar líquidos en los aviones: así podrás viajar ahora
- Control máximo sobre las autocaravanas: multas sin piedad a quienes acampen libremente en Arousa