Martín Códax, “referente incuestionable da cultura musical galega”, volve soar en Vigo
O conselleiro de Cultura reivindica o legado do trobador no acto do Día das Artes Galegas organizado pola Real Academia Galega de Belas Artes
![A mezzosoprano Nuria
Lorenzo e o pianista Alejo
Amoedo, durante o recital. |
// RICARDO GROBAS](https://estaticos-cdn.prensaiberica.es/clip/9c6f37af-9d3d-4d48-a3f3-4da12c195c24_16-9-aspect-ratio_default_0.jpg)
A mezzosoprano Nuria Lorenzo e o pianista Alejo Amoedo, durante o recital. | // RICARDO GROBAS / Redacción
Redacción
A Real Academia Galega de Belas Artes (RAGBA) celebrou onte o Día das Artes Galegas cunha homenaxe ao trobador Martín Códax, “referente incuestionable da cultura musical galega”. Nun acto institucional no teatro Afundación de Vigo, o presidente da Academia, Manuel Quintana Martelo, destacou que unha institución que sente orgullo por fomentar a creatividade artística, o estudo, difusión e protección do patrimonio artístico e cultural galegos, “non podía esquecer a música como disciplina a destacar”.
Por iso, puxo en valor a Martín Codax como “figura identitaria da historia de Galicia” e como un dos poetas galegos “máis publicados e estudados, con multitude de traballos de investigación”. “Martín Codax é o primeiro autor galego do que se conserva texto e música e a súa figura está presente, a través de trazos identitarios, no que hoxe entendemos por música galega, ben popular ou culta”, relatou.
Ademais, no seu ‘laudatio’, “Martín Codax. A identidade musical galega”, Juan Pedro Durán subliñou que a súa figura abarca tres eixos: o filolóxico, coa dedicatoria do Día das Letras Galegas 1998 aos trobadores do mar de Vigo –Mendinho, Johan de Cangas e Martín Codax-–; o documental, coa exposición de 2017 “Un tesouro en sete cantigas” no Museo do Mar de Vigo, onde se exhibiu por primeira vez en España o Pergamiño Vindel; e o musical.
O evento contou co recital “Cantigas de Martín Codax”, a cargo da mezzosoprano Nuria Lorenzo e o pianista Alejo Amoedo, que interpretaron “Cantigas”, de Martín Codax; “Soedades”, de Marcial do Adalid; “As lixeiras anduriñas”, de Juan Montes Capón; “Cantiga”, de José Castro Chané; e “Maio longo”, de José Baldomir.
No acto tamén estivo presente o alcalde de Vigo, Abel Caballero, e o conselleiro de Cultura, Educación, Universidades e FP, Román Rodríguez, que dixo que a música galega popular “sería inconcibible sen a contribución de Martín Códax, pioneiro e precursor dunha corrente artística que chega ata os nosos días”.
“Confío en que este ano os ritmos das súas cantigas de amigo soen por toda a nosa xeografía e tamén máis aló para reivindicar a gran vixencia do seu legado”, destacou. Así, para celebrar a figura de Martín Códax, a Xunta colabora coa RAGBA na realización dunha programación específica vinculada ao homenaxeado e que inclúe ciclos de concertos de cámara, unha guía didáctica e a xestión do Programa do Día das Artes.
- El mensaje de Jorge Javier a los 'Mozos de Arousa' por lo que ha ocurrido con su madre
- Ya es oficial: los trabajadores que ganen menos de 1.350 euros podrán cobrar el paro y su sueldo al mismo tiempo
- La Policía Nacional pone en guardia a la población española: máximo cuidado con este número de teléfono
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Isabel Pantoja recibe el alta tras ser ingresada de urgencia en Córdoba
- El personaje de la serie de Netflix inspirado en la abogada gallega arrastrada al narcotráfico por amor
- Gonzalo Bernardos lanza este importante consejo a quienes vayan a comprar un piso: 'Os recomiendo que...
- La vida oculta hasta ahora de la azafata de La Ruleta de la Suerte