Patricia Vázquez | Actriz
“As artes escénicas é o que amo e poder vivir do que amas é marabilloso”
A intérprete televisiva exerce hoxe de pregoeira para levantar o telón da 41 edición da Mostra no Auditorio de Cangas
![A actriz Patricia Vázquez no seu papel na obra “O porco de pé”. | // FDV](https://estaticos-cdn.prensaiberica.es/clip/69d13977-f53d-402d-bdf6-85c3f9ab627e_16-9-aspect-ratio_default_0.jpg)
A actriz Patricia Vázquez no seu papel na obra “O porco de pé”. | // FDV
Foi a xuiza Sabela Muiños nas últimas temporadas da popular serie da TVG “Mareas vivas”, dende 2008 ata 2015 deu vida a Lidia en “Padre Casares” e dende 2011 a Elvira en “Era visto!”. Hoxe, a actriz Patricia Vázquez representa un novo papel, o de pregoeira da Mostra Internacional de Teatro de Cangas na súa 41 edición. O pregón será as 21:00 horas no Auditorio Xosé Manuel Pazos Varela, tras o cal o público poderá asistir a primeira das representacións de sala do festival, con nove espectáculos neste auditorio ata o 7 de xullo.
–Lembra o seu primeiro papel?
–O primeiro papel que fixen na miña vida, foi de profeta Isaías, no festival de Nadal do Rosalía. Pero o primeiro papel profesional, foi en Yerma de F.ederico García Lorca co Centro Dramático Galego.
–Arrepíntese de non haber sido administrativa-funcionaria? O digo porque vostede empezou traballando como administrativa no antigo Hospital Xeral de Santiago.
–En absoluto arrepíntome de ter cambiado de oficio. Houbo momentos complicados, pero pagou a pena.
–Que teñen as artes escénicas que non aportan outros oficios?
–- As artes escénicas é o que amo. Poder vivir do que amas, é unha sensación marabillosa.
–En que papel se sentiu mellor?
–Nos últimos tempos, no de Sharon, da “Compañeira de piso”, de Contraproduccións. E nos nove que facía en “O porco de pé”, de Excéntricas.
–Esta é unha pregunta que de seguro lle fixeron moitas veces. Televisión, teatro ou cine?
–Non se pode escoller. É como preguntarlle a unha nai, a que fillo quere máis.
–¿A xente xove non vai ó teatro?
–Moi pouca.
–Coma ve as plataformas de streaming que tanta audiencia están teñendo?
–A min ás novas canles de comunicación parécenme todas fantásticas.
–Hoxe súbese ó escenario do Auditorio Xosé Manuel Pazos Varela como pregoeira da Mostra de Cangas. Que trasladará ao público?
–Como comprenderá, non vou destripar o pregón. Vou ser breve, que xa se sabe, que o bo si breve ....
–Actuou nalgunha das edicións da Mostra; que recordos ten deste festival que xa cumpre 41 anos de vida?
–Si teño actuado en varias edicións da Mostra, e teño moi bos recordos. O público en Cangas, é moi receptivo. E os festivais, son un marco estupendo, para ver teatro. E xa, si é en Cangas, non se pode pedir mais.
Suscríbete para seguir leyendo
- Detenido un moañés, buscado por la Interpol cuando subía a un autobús en el municipio
- Detienen a un hombre por pasearse desnudo por el centro de Cangas y en actitud violenta
- Detienen en un bus en Moaña a un empresario buscado por la Interpol
- Cinco noches de fiesta en el Carmen de Moaña
- El uso de herbicida en la reforestación de la autovía pone en jaque a colectivos en Moaña
- Salva la vida en la Autovía do Morrazo tras empotrarse contra una furgoneta de conservación de Carreteras
- Salva la vida tras empotrarse con su coche contra la esquina de una furgoneta de Carreteras en la autovía
- El gobierno local inicia los trámites para la reforma del inmueble en O Salgueirón