O GDR Terra e Auga promove o fomento do emprego verde
rural
y Celebra un curso para formar a futuros xestores de comunidades enerxéticas
![Neste mes de xuño impartíronse tamén un curso de iniciación a apicultura (arriba) e outro de panadería artesá (abaixo). | // D.P.](https://estaticos-cdn.prensaiberica.es/clip/bcc681c1-04e2-4ad2-b2ad-3397543c7c08_16-9-aspect-ratio_default_0.jpg)
Neste mes de xuño impartíronse tamén un curso de iniciación a apicultura (arriba) e outro de panadería artesá (abaixo). | // D.P.
d. p.
O Grupo de Desenvolvemento Rural Terra e Auga ofrece formación para un coñecemento e aproveitamento óptimo dos recursos naturais. En liña coa súa estratexia de desenvolvemento local e participativa activou un programa formativo que procura dotar á poboación do territorio de coñecementos para un aproveitamento equilibrado e sustentable dos recursos naturais. Ao mesmo tempo os cursos informan e axudan afondando en conceptos, técnicas e novas tendencias indispensable para a tomar de decisións futuras. Esta iniciativa formativa posibilita ademais achegarse a posibles vías de negocio respectuosas co medio natural contribuíndo na dinamización social e económica dos dez concellos que integran o GDR Terra, que son Arbo, A Cañiza, Covelo, Crecente, As Neves, Mondariz, Mondariz Balneario, Ponteareas, Salceda de Caselas e Salvaterra de Miño
![O GDR Terra e Auga promove o fomento do emprego verde](https://estaticos-cdn.prensaiberica.es/clip/e6374dd2-9ce5-4042-bff2-3a35d931f7c5_alta-libre-aspect-ratio_default_0.jpg)
O GDR Terra e Auga promove o fomento do emprego verde / d. p.
Por todos estes motivos, o GDR Terra e Auga puxo en marcha este novo programa formativo con diferentes cursos distribuídos en horas prácticas e teóricas co apoio do Programa Leader Galicia a través da submedida 19.2 Formación.
Precisamente, o último dos cursos que se está a celebrar é un de iniciación ás comunidades enerxéticas. A primeira parte impartírona, esta mesma semana, o catedrático de Economía Aplicada na Universidade de Vigo e responsable do Observatorio Eólico de Galicia, Xabier Simón, e a técnica de EC4RURAL da Universidade de Vigo, Almudena Fiunte, no Centro de Dinamización Empresarial de Ponteareas (CEDEP). A segunda parte levarase a cabo xa no mes de setembro a cargo de Carlos Alberto Amoedo, profesor de Dereito Administrativo da Universiadade da Coruña, e Mauro Vázquez, enxeñeiro da enerxía en Belian Energy.
Este curso de iniciación ás comunidades enerxéticas promove o fomento do emprego verde e a formación de persoas futuras xestoras de comunidades enerxéticas. Ao mesmo tempo servirá para que entidades asociadas ao GDR Terra e Auga reciban formación e poidan valorar a conveniencia ou non de promover as comunidades enerxéticas na súa contorna máis próxima.
Apicultura e panadería
Neste mes desenvolvéronse outras dúas accións formativas. Por unha parte, un curso de iniciación á apicultura da que participaron, ao longo de catro tardes, un total de 15 persoas, no centro social de As Neves. Este curso estivo dirixido a persoas con interese no sector e que acabaran de iniciar a súa actividade ou xa a tivesen en marcha.
Tamén en xuño tivo lugar o curso de panadería artesá con trigos autóctonos galegos. Oito horas que se impartiron nas instalacións da EFA A Cancela de As Neves e nas que afondaron no coñecemento dos trigos antigos traballando con masas nais e prefermentos. O alumnado participou nun proceso completo de elaboración de diversos pans como os de fariña de callobre e caaveiro, entre outras.
- Gondomar crea o Observatorio da Xunqueira da Ramallosa
- Corporacións galegas reúnense en Italia con grupos de acción local
- “A miña traxectoria pon o rural, as persoas disidentes e o local no centro”
- Solpor Monteferro abre o verán en Nigrán
- Orgullosas e visibles, vidas “cuir” da bisbarra
- Ralli artístico e feminino por Salceda
- Un tributo a Juan Pardo inaugura o Verán Cultural de Covelo
- Viaxe ao pasado en Nigrán