Elefante Elegante trae a Lalín un espectáculo sobre o alzhéimer
“Kyoki”, a súa peza de linguaxe xestual sobre o esquecemento e a vellez desde unha ollada poética chega o sábado ao Salón Teatro
Redacción
O alzhéimer desde unha ollada poética e cómplice é o fío condutor de Kyoki, o espectáculo que Elefante Elegante trae ao Salón Teatro de Lalín este sábado, 11 de maio, ás 18.00 horas Esta peza para público familiar dos creadores María Torres e Gonçalo Guerreiro é unha viaxe emotiva da infancia á vellez a través da memoria, unha obra de linguaxe xestual cómica e reflexiva sobre o esquecemento e a soidade. A función, con entrada libre ata completar aforo, enmárcase dentro do programa Maio, o mes das nosas letras, do Concello de Lalín.
Protagonizada por María Torres, baixo a dirección de Gonçalo Guerreiro, Kyoki –palabra que significa “demencia” en xaponés– é unha creación destinada ao público infantil e familiar a partir dos 5 anos. A peza investiga, dun xeito poético e cómico, sobre a alteración da capacidade para recordar, pensar ou tomar decisións. “Porque, se ben é certo que esta condición adoita aparecer en persoas de idade avanzada... Quen non esqueceu algunha vez onde colocara a caixa das galletas? Ou quen, por distracción, non vestiu nunca o xersei do revés?”, inquiren desde Elefante Elegante. Kyoki quere ser “unha ollada sensible ás experiencias que viven as persoas que precisan ser coidadas e máis as propias coidadoras”.
O espectáculo crea un universo cómico e poético que viaxa do realismo á hipérbole da vida cotiá. O xogo teatral baséase no traballo plástico da corporalidade da protagonista en escena e na súa constante interacción cos elementos escenográficos, para definir unha secuencia dramatúrxica na que a imaxe toma un total protagonismo.
- Una bola de luz ilumina el cielo de Galicia: 'Se hizo de día en plena madrugada
- Antonio Resines se rebela contra 'El Hormiguero': "Es un programa vergonzoso en el que se ríen de los invitados
- El rey emérito se da un homenaje en la ría de Vigo: degustó el famoso chuletón de Moaña
- Okupas cambian la cerradura y venden llaves de pisos de Vigo por 3.000 euros
- Isa Pantoja habla de su distanciamiento con Anabel Pantoja: 'Yo ya sabía...
- Las tormentas solares no han hecho más que empezar
- Una furgoneta destroza una cabina del peaje de Vilaboa
- Un joven salta en marcha del coche policial en la A-52 en el traslado de Galicia a Madrid